每個人既裡面都應該有個衰人存在，
我就有一把聲係keep住鬧自己。
「如果唱得唔好，不如唔好接？」
「你？你有d咩？」
「你自己知你到底有冇盡過力」
「如果俾唔到貨，你對唔對得住個show？」
「別人既作品唔係一個藉口俾自己唱得唔好，反而係要更俾心機研究點樣maximize可能性」
「你知唔知如果你做得唔好，係衰過咩都冇做過？」
「你想你出黎就變廁所位？」
「如果你幫唔到件事，咁你出黎做咩？」
「要做，就唔該要做到全場得你一個做到」
開始意識到呢幾年其實都係咁樣活過來。
咁樣既cycle，不斷質問，問到不安，一定要係去到超級低落，做到果下就會好爽，但做到之前都係長期處於一種張力之下。
愈黎愈喜歡呢種壓力，verygoodkit 教既advanced level。
唔講野，照做，過程係孤獨既，失敗左頹食宵夜，成功左爽食宵夜；下次又有另一個。
Search